- Get link
- X
- Other Apps
លោក Arsene Wenger
អ្នកចាត់ការទូទៅរបស់ក្រុម Arsenal បាននិយាយថា
ក្រុមរបស់លោក «បានបំពេញការងារពាក់កណ្តាល» ប៉ុណ្ណោះ
ក្រោយពីការបង្ហាញពីទម្រង់លេងយ៉ាងល្អឥតខ្ចោះរបស់ពួកគេក្នុងតង់ទី១
បានធ្វើឲ្យក្រុមកាំភ្លើងធំមួយនេះបានគ្រប់គ្រងទាំងស្រុងក្នុងការប្រកួតក្របខ័ណ្ឌ
Europa League វគ្គ៨ក្រុមចុងក្រោយរបស់ពួកគេ
តាមរយៈការផ្តួលក្រុម CSKA Moscow ៤-១ ក្នុងការប្រកួតជើងទី១ កាលពីថ្ងៃព្រហស្បតិ៍។ ខ្សែប្រយុទ្ធ Alexandre
Lacazette និងខ្សែបម្រើ Aaron Ramsey
បានស៊ុតបាល់បញ្ចូលទី២គ្រាប់ដូចគ្នា ខណៈដែលក្រុម Arsenal រកបានដល់ទៅ៤គ្រាប់ក្នុងចន្លោះពេលត្រឹមតែ២៦នាទី
នៅមុនពេលបញ្ចប់តង់ទី១។ ក្រុម Arsenal បានបង្កើតឱកាសជាច្រើនក្នុងតង់ទី២
ប៉ុន្តែ មិនអាចបន្ថែមគ្រាប់បាល់ទៀតឡើយ
ប៉ុន្តែពួកគេនឹងឈានទៅកាន់ទីក្រុងម៉ូស្គូរបស់រុស្ស៊ី
សម្រាប់ការប្រកួតជើងទី២ នៅថ្ងៃព្រហស្បតិ៍ សប្តាហ៍ក្រោយ
ជាមួយនឹងការនាំមុខយ៉ាងរឹងមាំ។ លោក Wenger
បានឲ្យដឹងថា៖ «យើងត្រូវតែមានភាពជាក់លាក់។
យើងត្រូវតែធ្វើការងារនេះឲ្យចប់ ហើយនិងព្យាយាមឈ្នះការប្រកួត
ដែលនោះគឺជាមធ្យោបាយដ៏ល្អបំផុត»។ គ្រូបង្វឹកសញ្ជាតិបារាំងរូបនេះបានបន្ថែមទៀតថា៖
«យើងបានបំពេញការងារបានពាក់កណ្តាលប៉ុណ្ណោះ។
យើងលេងបានយ៉ាងល្អក្នុងតង់ទី១
ខណៈដែលក្រុមទាំង២បានប្រឹងអស់សមត្ថភាពដូចគ្នា»។ ស្របពេលដែលការប្រជែងដណ្តើមចំណាត់ថ្នាក់កំពូលទាំង៤នៅលើតារាងក្របខ័ណ្ឌ
Premier League ស្ថិតក្នុងភាពស្តួចស្តើង ហេតុនេះ
ហេតុនេះការឈ្នះពាន Europa League គឺជាផ្លូវតែមួយគត់សម្រាប់ពួកគេក្នុងការឈ្នះកៅអីទៅលេងក្នុងក្របខ័ណ្ឌ
Champions League នារដូវកាលក្រោយ៕
ប្រភពព័ត៌មាន៖ BBC
Comments