ការដណ្តើមបានជ័យជម្នះនប្រកបដោយការជឿជាក់របស់ក្រុម Liverpool លើក្រុម
Manchester City ក្នុងការប្រកួតក្របខ័ណ្ឌ Champions
League ប្រហែលជាហួសពីក្តីស្រមៃរបស់លោក Jurgen Klopp ទៅទៀត ប៉ុន្តែ ជ័យជម្នះនេះ បានធ្វើឲ្យលោកប្រឈមមុខនឹងការជ្រើសរើសកកីឡាករដែលត្រូវលេងក្នុងការប្រកួតនៅលើទឹកដីក្រុម
Everton នៅថ្ងៃសៅរ៍នេះ។ ការប្រកួតនេះ
នឹងត្រូវប្រព្រឹត្តទៅរយៈពេល៣ថ្ងៃ នៅមុនពេលការប្រកួតជើងទី២ វគ្គ៨ក្រុមចុងក្រោយ
ជាមួយនឹងក្រុម Man City ខណៈដែលពួកគេនឹងនាំយកការនាំមុខ
៣-០ ទៅកាន់ការប្រកួតនោះ
ក្នុងនាមជាក្រុមមានក្តីសង្ឃឹមច្រើនក្នុងការឈ្នះសិទ្ធិទៅវគ្គពាក់កណ្តាលផ្តាច់ព្រ័ត្រ
ជាលើកទី១ បើគិតចាប់តាំងពីឆ្នាំ២០០៨។ ប៉ុន្តែ ស្របពេលដែលក្រុម Real
Madrid, Barcelona និង Bayern Munich
ត្រូវបានរំពឹងទុកថា នឹងឈានទៅវគ្គពាក់កណ្តាលផ្តាច់ព្រ័ត្រ
ក្រោយពីការប្រកួតជើងទី១ កាលពីពាក់កណ្តាលសប្តាហ៍នេះ លោក Klopp នឹងដឹងយ៉ាងច្បាស់ថា
ក្រុមរបស់លោកមិនមែនជាបេក្ខភាពក្នុងការឈ្នះពានឡើយ។ វាមានន័យថា
ប្រសិនបើក្រុមរបស់លោកចង់ឈ្នះកៅអីទៅលេងក្នុងក្របខ័ណ្ឌ Champions
League នៅរដូវកាលនេះ
ក្តីសង្ឃឹមដ៏ល្អបំផុតរបស់ពួកគេគឺការបញ្ចប់ក្នុងចំណាត់ថ្នាក់កំពូលទាំង៤របស់ក្របខ័ណ្ឌ
Premier League។
បើទោះបីពួកគេស្ថិតក្នុងទីតាំងដ៏រឹងមាំក៏ដោយ ប៉ុន្តែ
ពួកគេក៏មិនអាចធ្វេសប្រហែសផងដែរនៅពេលដែលពួកគេធ្វើដំណើរទៅកាន់កីឡដ្ឋាន Goodison
Park។ លោក Klopp វ័យ៥០ឆ្នាំ
បានឲ្យដឹងថា៖ «វាគួរតែជារឿងល្អ ហើយនឹងមិនធ្វើឲ្យអ្នកមានបញ្ហាឡើយ»។
ការប្រកួតនេះនឹងចាប់ផ្តើមនៅម៉ោង៦:៣០ល្ងាច៕
ប្រភពព័ត៌មាន៖ sport.yahoo.com
Comments