លោក Jupp
Heynckes បានច្រានចោលថា ខ្សែប្រយុទ្ធ Robert
Lewandowski នឹងចុះហត្ថលេខាជាមួយនឹងក្លិប Real Madrid។ តារាឆ្នើមអន្តរជាតិប៉ូឡូញវ័យ២៩ឆ្នាំរូបនេះ
កំពុងតែត្រូវបានទាក់ទងនឹងជាមួយនឹងការផ្ទេរមួយនៅរដូវក្តៅខាងមុខនេះទៅកាន់
Real Madrid បើទោះបីក្លិបយក្សរបស់អាល្លឺម៉ង់
បានបញ្ជាក់ម្តងហើយម្តងទៀតថា រូបគេមិនមែនសម្រាប់លក់ឡើយ។ ស្របពេលដែលលោក
Heynckes
កំពុងតែរៀបចំក្រុមរបស់លោកសម្រាប់ការប្រកួតជាមួយនឹងក្រុម Sevilla
នៅលើទឹកដីអេស្ប៉ាញ ក្នុងការប្រកួតក្របខ័ណ្ឌ Champions
League វគ្គ៨ក្រុម ជើងទី១ នៅរាត្រីនេះ គ្រូបង្វឹករបស់ក្រុម Bayern បានប្រាប់ក្លិប Real ម្តងទៀតថា
មិនឲ្យខ្ជះខ្ជាយពេលវេលារបស់ពួកគេទៅលើ Lewandowski។
Bayern បានអះអាងថា ពួកគេចង់ទិញខ្សែបម្រើប្រយុទ្ធ James
Rodriguez ក្នុងតម្លៃខ្លួន៣១លានផោន ពីក្លិប Real ដើម្បីធ្វើឲ្យការខ្ចីជើងរបស់គេក្លាយជាការផ្ទេរជាអចិន្ត្រៃយ៍។
Real អាចនឹងយកការផ្ទេរមួយនេះ
ធ្វើជាស្ពាធដើម្បីនាំយកខ្សែប្រយុទ្ធ Lewandowski
វិលទៅកាន់ក្លិបរបស់ខ្លួនវិញ។ ប៉ុន្តែ លោក Heynckes
បានឲ្យដឹងថា៖ «ប្រធានក្លិបលោក Karl-Heinz Rummenigge
បានបញ្ជាក់រួចជាស្រេចថា Robert និង Real
Madrid មិនមានឱកាសឡើយ។ ពិតណាស់ ខ្ញុំបានស្គាល់ James មុនពេលរូបគេផ្ទេរទៅកាន់ Bayern»។
លោកបានបន្ថែមទៀតថា៖ «នៅពេលដែលខ្ញុំបានកាន់តំណែងក្លិបនេះ
កាលពីរដូវស្លឹកឈើជ្រុះ រូបគេមិនរឹងមាំផ្នែករាងកាយឡើយ។
រូបគេខ្លាំងជាងមុនពេលនេះ។
រូបគេជាកីឡាករមានភាពផ្សេងគ្នាទាំងស្រុង»។
ការប្រកួតនេះនឹងចាប់ផ្តើមនៅម៉ោង១:៤៥ទៀបភ្លឺ៕
ប្រភពព័ត៌មាន៖ The Sun
Comments