- Get link
- X
- Other Apps
ក្រុម Bayern Munich
បានធ្វើការវាយបកដេញតាមពីក្រោយដើម្បីឈ្នះពានក្របខ័ណ្ឌ Bundesliga ជាលើកទី៦ជាប់ៗគ្នា បន្ទាប់ពីបានកត់ត្រាជ័យជម្នះក្នុងលទ្ធផល ៤-១ លើក្រុម Augsburg កាលពីថ្ងៃសៅរ៍។ ក្រុម Bayern
របស់លោក Jupp Heynckes
ដណ្តើមបានជ័យជម្នះក្នុងការប្រកួតរវាងក្រុមស្ថិតក្នុងទីក្រុងតែមួយដូចការរំពឹងទុក
ដើម្បីក្លាយជាម្ចាស់ជើងឯក
ខណៈដែលនៅសល់ការប្រកួតដល់ទៅ៥លើកទៀតរដូវកាលនេះ។ ជ័យជម្នះនេះ
បានជួយឲ្យក្រុម Bayern ក្លាយជាម្ចាស់ជើងឯកជាលើកទី២៨ក្នុងប្រវត្តិសាស្ត្ររបស់ពួកគេ
ហើយវាជាឆ្នាំទី៦ជាប់ៗគ្នាដែលពួកគេបានឈ្នះពានក្របខ័ណ្ឌ Bundesliga បើគិតចាប់តាំងពីការឈ្នះពាន៣ក្នុងរដូវកាលតែមួយរបស់ពួកគេ
ក្នុងឆ្នាំ២០១៣។ ក្រុម Augsburg
រកបានគ្រាប់បាល់នាំមុខដ៏មិននឹកស្មានដល់តាមរយៈការធ្វើឲ្យបាល់ចូលទីខ្លួនឯងពីសំណាក់កីឡាករ
Niklas Suele ប៉ុន្តែ ក្រុម Bayern Munich បានវាយបកវិញ ខណៈដែល Corentin Tolisso, James
ដែលបន្ទាប់មកបានជួយឲ្យ Arjen Robben រកបានគ្រាប់បាល់១គ្រាប់
និង Sandro Wagner
សុទ្ធសឹងបានរកគ្រាប់បាល់បញ្ចូលទី។ លទ្ធផលនេះ ធ្វើឲ្យក្រុម Bayern
នាំមុខ២០ពិន្ទុដាច់
ខណៈដែលនៅសល់ការប្រកួតលីក៥លើកទៀតនៅរដូវកាលនេះ
និងបានបង្ហាញពីសមត្ថភាពដ៏ខ្លាំងរបស់ពួកគេក្នុងការគ្រប់គ្រងក្របខ័ណ្ឌ
Bundesliga ទាំងស្រុង។ ខ្សែប្រយុទ្ធជើងចាស់ Robben ដែលបច្ចុប្បន្ន បានឈ្នះពានក្របខ័ណ្ឌ Bundesliga ៧លើក ចាប់តាំងពីចូលរួមជាមួយនឹងក្លិប Bayern ក្នុងឆ្នាំ២០០៩នោះ បានឲ្យដឹងថា៖
«វាតែងតែជារឿងដ៏ល្អក្នុងការឈ្នះពានមួយ។ យើងបានដឹងថា វានឹងកើតឡើង
ប៉ុន្តែ យើងនៅតែត្រូវឈ្នះជាផ្លូវការ»៕
ប្រភពព័ត៌មាន៖ BBC
Comments